L'Atenéu Obreru de Xixón foi l'espaciu escoyíu por Iniciativa pol Asturinau y Ástura pa celebrar l'Homenaxe a Pachín de Melás nel so 75 cabudañu. Col salón d'actos del Atenéu enllenu, recordóse la figura d'esti escritor en llingua asturiana nun actu presentáu por Inaciu Galán y nel que participaron Xuan Pandiella, d'Ástura, y persones del mundu la cultura como Sabel Tuñón, Monchu Iglesias, Javier Cubero o Xelu Neira, de la Tertulia Pachín de Melás.

 

El momentu más emocionante llegó cola intervención de la última fía viva de Pachín, Pilar Robles, que foi entrevistada nel actu sobre la vida de Pachín. Darréu entregóse a los representantes de la familia un ramu flores n'alcordanza de la figura del escritor xixonés.

 

L'actu tuvo una perbona acoyida, tanto n'asistencia como na presencia en medios, destacando l'apaición d'una semeya como noticia gráfica principal del día en La Nueva España. Darréu facemos una escoyeta de la repercusión na prensa:

 

Si nun pudisti dir al actu puedes sentilu enteru equí.

Semeyes del actu.

Cróniques en La Nueva España y El Comercio.

Artículu de Vicente García Oliva sobre l'actu.