Iniciativa pol Asturianu participa nes actividaes de mayu de La Semiente con una charra

Publicado 5/9/17

Iniciativa pol Asturianu participa nes actividaes d'esti mes entamaes pol espaciu La Semiente cola charra "¿Qué faigo yo pol asturianu? La llealtá llingüística como ferramienta social de normalización". L'encargáu de la ponencia d'el xueves va ser Inaciu Galán y González, presidente de l'asociación.

En pallabres del Centru Social: "¿Dalguna vegada t'entrugasti qué podies faer tu pola llingua asturiana? Son munches les formes coles que tanto ún mesmu de forma individual comu de forma colectiva, pue contribuir a dignificar la llingua asturiana, a espardela, promocionala y da-y vida. Lo único que nun se pue facer ye auto-censurase, sentir vergoña o pensar que va medrar ella sola. Frayar cola diglosia nun ye una xera cenciella, pero pasu ente pasu, con enfotu y de forma colectiva, pue dexase de llau esi mieu a emplegar l'asturianu de forma normal".

La charra va ser esti xueves nel Centru Social La Semiente (L'Entregu) a les 19 hores.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.