Toponimia

Toponimia oficial d'Asturies

Los nomes de los llugares han usase según la so forma tradicional. La Llei 1/1998 de 23 de marzu d’Usu del Asturianu establez nel so Artículu 15 que «los topónimos de la Comunidá Autónoma del Principáu d’Asturies van tener la denominación oficial na so forma tradicional. Cuando un topónimu tenga usu xeneralizáu na so forma tradicional y en castellano, la denominación va poder ser billingüe».

La Xunta de Toponimia del Principáu d’Asturies ye l’órganu consultivu y asesor encargáu d’investigar y normalizar los toponimos asturianos. «Correspuende al Conseyu de Gobiernu, previu dictame de la Xunta de Toponimia del Principáu d’Asturies, y ensín perxuiciu de les competencies municipales y estatales, determinar los topónimos de la Comunidá Autónoma».

El procesu de recuperación de los nomes tradicionales de los conceyos asturianos entamó en xunu del añu 2004, cuando se constituyó la Xunta de Toponimia. Anguaño hai aprobados 68 decretos d’oficialización de la toponimia tradicional.